Laxakæfa

 

 

Innihald

• 500 g nýr lax, beinhreinsaður
• 250 g rækjur
• 175 g majones
• 175 g sýrður rjómi 10%
• 350 g þeyttur rjómi (3 ½ dl)
• 12 blöð matarlímsblöð
• hvítvín til að leysa matarlímið upp í
• Sósa
• 150 g majones
• 150 g sýrður rjómi
• ca 2 msk þeyttur rjómi
• sítrónusafi eftir smekk
• örlítill sykur
• hvítvín eftir smekk

 

Leiðbeiningar

1. Ferski laxinn er soðinn, kældur og beinhreinsaður. Tættur niður smátt með gaffli eða hakkaður, ásamt rækjunum, eftir hvað patéið á að vera gróft. Líka má skera fiskinn í litla bita.

2. Hrærið saman majonesi og sýrðum rjóma og blandið saman við fiskinn.

3. Þá er matarlímið lagt í bleyti og síðan leyst upp í hvítvíninu og því blandað saman við. Að lokum er þeytta rjómanum blandað varlega saman við. „Patéið“ kælt og skorið í sneiðar. 

4. Sósa
   Öllu hrært vel saman og borið fram með „patéinu“ ásamt ristuðu brauði.

5. Fallegt að skreyta með harðsoðnum eggjum í sneiðum, ferskri steinselju og tómatsneiðum. Eða bara því sem manni dettur í hug.